Dansgarde de Nachtegaelkes
De trots van iddere Veurgenger binne os Nachtegaleriek!
Onger leiding van 2 aad-dansgardemaedjes, Femke en Joy, waere de maedjes waekeliks getraend om idder jaor weer ein fantasties optraeje te laote zeen.
Os dansgarde besjteit momenteel oet 14 maedjes, verdeild euver 3 groepe:
-
In de kleinste garde kinse al beginne vanaaf ongeveer 4,5 jaor.
- Os middelgarde besjteit oet maedjes vanaaf ein jaor of 7
- Os grote garde zin de tienermaedjes. De meiste van dees maedjes danse al ein jaor of 8 same.
De 3 dansgardes traene op maondigaovend in Gemeinsjapshoes de Duup in Azerao:
- Os kleine en middelgarde van 18:30- 19:15 oer
- De grote garde van 19:15-20:15 oer
Veur meer informasie kint geur kontak opnaeme mit:
- Femke Driessen: 06-46796069
- Joy Krispijn: 06-44709120
In de kleinste garde kinse al beginne vanaaf ongeveer 4,5 jaor.
Hie leerse de beginsele van de pasjes. Bie toesaktiviteite moge ze laote zeen waat ze höbbe geleerd. Verder lere ze ouch waat ut in-hilt om bie een vastelaovesvereniging te zin.
Os middelgarde besjteit oet maedjes vanaaf ein jaor of 7. Dees garde haet de beginsele al good onger de kneen en kint al sjoon dinger laote zeen. Dees garde is ut vizitekaertje van de veurgenger van de Nachrätjes: os jongste vereniging. Dees garde trèk soms ouch mit oet en leut dan bie versjillende anger vereniginge ouch heur dansje zeen.
Idder jaor kump der get meer op ut programma derbie.
Os grote garde zin de tienermaedjes. De meiste van dees maedjes danse al ein jaor of 8 same en weite dus presies waat ze aan-ein höbbe. De dans is dan ouch ech idder jaor weer ein bietje moejelikker.
De grote garde geit mit nao de meiste resepsies wo de Nachtegale ouch haer gaon: vreug of laat: ze zin der haos altied bie.
De grote garde haet eine drökke agenda in ut vastelaovessezoen. Dees maedjes zin ouch nog allemaol lid van v.v. De Zolderratte!