Prins Benjamin I van JVV De Nachrätjes:
“Vastelaovend en voetbal, altied raak!”
Prins Benjamin I veurop bie de Nachrätjes!
Zonjig 4 jannewarie waor ’t weer ein groot fees in Azerao: ’t prins oetroope van alle prinse. Mit groot gejuich is Benjamin Peelen oetgerope tot Prins van de Nachrätjes veur Vastelaovend 2026. Same mit zien adjudante Cas Maessen en Mathijs Verheesen zal hae dit jaor de scepter zjweije onder de spjreuk:
“Vastelaovend en voetbal, altied raak!”
Benjamin is 10 jaor, zoon van Bart en Eva Peelen en ’t breurke van Jonathan en Valerie. Hae laeft veur voetbal en ’t leefs kiek hae alle wedstrijden van alle teams bie RKAVC. Zelf sjpeelt hae bie de JO-13. Hae zit op sjool in Neel en kiek al ’t hele jaor oet nao Vastelaovend. Dit jaor is extra sjpesjaal, want hae is prins in ut jubiléjumsezoen van de Nachtegale en dao is hae erg greuts op! Maar Benjamin is neet allein op ’t veld te vinje. Op de kermis en angere grote feeste in ’t dörp stjeit hae geregeld op ’t podium, want fees make kint hae es de beste. Same mit zien kameraodjes online gamen vinjt hae geweldig, dan lach en sjpeelt hae toet in de late uurkes. Benjamin is eine echte sjportieve jong, det zeen ze neet allein bie voetbal, maar auch op de skipistes. Mit ziene sjnelheid en sjtrakke acties geit hae de berg nao onger. Dus, Voetbal en Vastelaovend, det kump dus altied good!
Cas is de jongste zoon van AAP Dennis en Marlou Maessen en breurke van Bram. Cas wirt bienao 13 jaor en geit nao Yuverta op ut VMBO. In zien vrieje tied zit der gaer sjpelkes te doon, filmkes te kieke en waal op tillefoon, tablet, leptop of de PS4. Cas sjpeelt auch bie RKAVC JO-13. Hae geit gaer op fekansie en Oosteriek is waal ein favoriete besjtumming.
Matthijs is de kleinzoon van AAP Jan III en zoon van Jeroen en Celeste Verheezen en ut breurke van Hugo. Hae is 14 joar jonk en zit op Broekhin, dao duit d’r de Havo. Es aad bezorger van de folders kinne voal miense um, dao naeve duit hae gaer gamen, op leptop of tillefoon. Auch helpt hae biej RKAVC de leiders van ut onger 10 team en is hae zelf sjpeler van ut onger 15 team. De 2e wereldoorlog, doa wit hae alles vanaaf en haet hae op iddere vraog ut antwaord.
Mit dees drie sjportieve vastelaovesvierders kump ’t vastelaovesjoar in Azerao good los. De Nachträtjes zeen klaor veur ein knallend sezoen vol fees en plezeer.
LEDEN VAN DE NACHRÄTJES:
Linus, Ted, Jan, Benjamin, Jaran en Leo
2025 Prinses Nika I (Beckers)
Hop hop hop, gaas der op!
2024 Prinses Mea I
Mien adjes en ich, ein sjoon vastelaovendsgezich!”
2023 Prins Juul I
Neet balle maar knalle !
2022 Prins Jorn I en prinses Emma I
Mit dees drie daag sjteit nemes boetesjpel !
2020 Prins Roan I
Mit dit beugelbekkie veurop, zitte veur gans Azerao oppe kop
2019 Prins Lars I en Prinses Valerie I
Weg met de ski, vastelaovend is noe hiej!
2018 Prins Raf I
Mien doel: Same Vastelaovend viere!
2017 Prins Djem I
Waem haet det gedacht, dames aan de macht!
2016 Prins Levi en Prinses Joy
Neet danse of voetballe, maar noe flink knalle
2015 Prins Sem I en Prinses Britt I
Noe neet veurin, mer veurop!
2014 Prins Wesley I en prinses Lani I
Gein gezeiver euver rauke en beer, veer make geweun plezeer
2013 Prinses Debbie I
3 daag op match point
2012 Prins Justin I (Krispijn) en Prinses Lisa (Geuns)
Eeder zien gebrek, os is nieks te gek
2011 Prins David I (Sauer) en Prinses Alisha (Teeven)
Mit David en Alisha es prins en prinses, waert deze carnaval ein sucses!
2010 Prins Jari I (Cranssen) en Prinses Naomi (Driessen)
Dit sjpel sjpele veur same
2009 Prins Mike I (Cox) en Prinses Elisa (Diels)
Mit dans en bal viere veur carnaval
2008 prins Tom I (Cox) en prinses Selina
Met Tom en Selina in de sjpits geit de vastelaovend wie eine flits
2007 Prins Jordy I (Sensen) en Prinses Vera (Aarts)
Met Jordy en Vera veurop weart de vastelaovend top
2006 Prins Joran I (Aben) en Prinses Marit (Suntjens)
2005 Prins Brian I Rademakers
Met dit sjpook veurop weart de vastelaovend top
2004 Prins Maikel I (Heber)
Binne de liene, zonger gebit, zin de nachratte topfit
2003 Prins Pascal I (Van Den Hurck)
Es de Zölderratte komme, Zin De nachratte allang begonne
2001-2002 Prins Bas I (Clercx)
Miene wins , Nachratteprins
De nachrätjes zeen opgericht op 29 januari 2002, door Francien van den Hurck, Jan van Dijk en Ine Clercx. Ze hubbe de Nachrätjes opgericht veur heur kienjer. De vaders zoote biej de Raod van Ellef van de Nachtegale. Ut idee waas dus om van de kienjer kleine Nachtegale te make. Maar toen kwaam emes op ut idee om de name van beide jeugdvereniginge same te voege. De naam Nachrätjes waas gebaore. In ut begin van de Nachrätjes besjtong de raod oet de kienjer van de raod van de Nachtegale. Dit ware onger angere: Dennis van den Hurck, Pascal Van Den Hurck, Kevin Van Dijck, Brian Rademakers en Bas Clercx. Later waerde dit auch kienjer van boete de vereniging omdet ze vonje det de Raod erg klein bleef en ze meer kienjer wilde sjtimulere veur ut verenigingslaeve in Azerao. De jeugd haet tensjlotte de toekoms. In ut eerste jaor lepe de Nachrätjes in aaj jeskes van de Zölderratte en mutse van de Nachtegale. Nao ut vastelaoves seizoen hubbe ein paar aajers zich biejein geraap en zeen capes gaon neije in de kantine van eierfabriek Süntjens. Auch waerde der nuuj mutjes aangesjaf, betaald door de Nachtegale. De eerste Prins is niet oetgerope maar gemaakt. Omdet Ton Clercx in ut jaor 2002 Prins waas van de Nachtegale, hubbe ze ziene zoon Bas Prins gemaakt. Deze Prins leep rondj in ein aad prinsepak van de Zolderratte. De eerste vorst van de Nachrätjes waas Pascal van den Hurck. In ut volgende jaor waas der ein echt prinsoetrope op de kienjermiddig van de Nachtegale mit aanjloetend zelfs un echte receptie.