De 66ste Prins van VV De Nachtegale is Loek Cox.

Es Prins Loek II geit hae regere onger ziene liefsjpreuk:

“Same ein suc6!”

Loek is 33 en woont same mit Loes en de kiendjes Siem (4) en Puck (bienao 2) oppe Hei.

“Veer vinje  ut es gezin heel sjoon om same deze mijlpaol van Vastelaovend in Azerao te viere en gaon d’r natuurlik mit volle teuge van geneete. In ut dageliks laeve wirk ich biej x-celerate wo veer leuke bedrieve helpe mit versjillende vraogstukke.

Bie Dennis II, Maikel I en Wim II  höb ich al van dichbie de Vastelaovend moge preuve es adjudant. Sjoon wie se de Vastelaovend es prinselik gezelsjap viers en det doon veer dit jaor döbbel en diek euver.

Veur noe: Esse de kans kriegs om 6 te gooje doot det dan vandaag en neet morge. Vier ut same want, Same is ut pas ech ein suc6!

Mien adjudante zeen:

Maikel I (Heber) (34) is al eine gooje vrundj sinds de basissjool. Hutte boewe, aaf en toe voetballe en in ut huij sjpele woor dagelikse kos. Hae woont same mit Ashley en huundje Mollie naeve de Kopere op ut Maolbrook. In ut dageliks laeve runt d’r  Heber Design mit vaol inzet en passie.

Tom (Cox) (33) es buurman oppe Hei en achternaefkes zeen veer gooj vrunj gewaore. Vreuger voetbalde veer daag aan ein sjtuk biej Tom achterom. Tom woont same mit Laury en hondj Sieb oppe Kerkstjraot. Veur de kos is Tom wirkzaam biej Smurfit Westrock.

Rick (Suntjens) (34) gooje vrundj sinds veer voetbalde in de F1. Same brommers rieje en voetballe woor os laeve. Rick woont same mit Kim, en heur dochtertjes Beau en Loïs op de Maalberg. Hae wirkt mit veul plezeer biej Schmitz Foam Products in Herkebos.

Dennis I (van den Hurck) (33) zoot altied same biej mich in de klas oppe Boekoel. Vanoet dao is eine gooie bandj ontstjaon. Dennis woont same mit Evelien op de Dorpstjraot en is in ‘t dageliks laeve wirkzaam biej Pevo Elektro.

Wim (37) is sinds mien geboarte eine echte naef. Same zeen veer vaol op vekansie gewaes en blikke Unox tomatebelkes gegaete woo se bang van waers. Wim is getrouwd mit Majesta en höbbe same 2 dochters Djanao en Jennique. Veur de kos runt Wim mit vaol toeweiding Alpha Steelworks.”