Prins Twan I

De 63ste prins van De Nachtegale is Twan Tonnaer. Es prins Twan I geit hae regere mit zien liefsjpreuk:

                   Laot 't raegene '!

Prins Twan I is 37 jaor en is gebaore in 't Daoleriek.
Twan haet eerder al jaore in Azerao gewoond en is dus geine onbekinde. Nao eine kleine oetsjtap nao Herkenbosch is d’r sinds de zomer van 2023 weer truuk in os dörp.
Same mit Claudia wone ze as samegesjteld gezin oppe Durpssjtraot same mit häör 5 kienjer. Twan haet 3 kienjer Senn, Fayenn en Trenn. Claudia haet 2 kienjer Daan en Jill.
Twan is in 2014 adjudant gewaes van Prins Rik I. Hae wit dus al ein klein bietje wie 't mot! Zien hobbies zeen voetballe biej 't eerste elftal van RKAVC, darte en gezellig borrele mit vrunj of lekker oppe bank hange om un serie te kieke.
Es prins Twan I geit hae regere mit zien liefsjpreuk:

Laot ’t raegene!

De sjpreuk kump eigelik vanoet de kantien... Es ’t neet sjnel genog geit aan de bar waert d’r altied geroope laot ’t nog ins raegene.
Twan duit auch serieus werk, hae is namelik veurman biej Donker Groen, in de greun veurziening.

Es adjudante haet Twan gekaoze veur:

Davy Dierx, de elektricien van 't dörp.
Aad Prins Roel I oet 2009
Aad Prins Rik I oet 2014
Aad Prins Luc I oet 2020

Mit dit ervare gezelsjap mot ’t helemaol goodkomme.
Ze haaje allemaol van get raege, dus dreug zal ’t neet waere!